Bhagavadgita 3.17

Gūḍhārthacandrikā 3.17

Language: Sanskrit

3.17

yena parabrahmaṇā sarvamidaṃ jagat tataṃ vyāptaṃ tat avināśi viddhi| asya sarvavyāpakasya vināśaṃ kartuṃ kaścinnārhati| nahi vyāpyena niyamyena vyāpakasya niyāmakasya vināśaḥ sambhavati| sarvasya tadadhīnasattākatvāt, vināśakābhāvādavyayasya| tathā ca sarvasya madadhīnatvād deśakālavastvādinā sarveśvarasya mama nāśo yathā nāsti, tathā tvadādīnāṃ cetanānāṃ matsadṛśānāṃ nāśo nāsti, anādicetanatvāditi¹ bhāvaḥ|
nanvanāditvāccetanatvāt svatantratvācceśvarasyāstu nityatvam| tatpratibimbasya jīvasya tatsadṛśatve'pi kathaṃ nityatvam ? pratibimbasyānityatvaniyamāt| pratibimbatvaṃ jīvasya ‘rūpaṃ rūpaṃ pratirūpaṃ babhūva’² ‘ekadhā bahudhā caiva dṛśyate jalacandravat’³ itiśrutisiddham, ata āha - antavanta iti||

Previous: 3.16
Next: 3.18
Up: 3

Linked texts (1)

Bhagavadgītā — Vyāsa, Sanskrit