Aphorisms on Brahman 1.9

Śāstradarpaṇa 1.9

Language: Sanskrit

1.9

‘asya lokasya kā gatirityākāśa iti hovāca sarvāṇi ha vā imāni bhūtānyākāśādeva samutpadyante | ākāśaṃ pratyastaṃ yantyākāśo hyevaibhyo jyāyānākāśaḥ parāyaṇaṃ sa eṣa parovarīyānudgīthaḥ sa eṣo'nantaḥ’ ityatra saṃśayaḥ — kimākāśaśabdena brahma abhidhīyate, uta bhūtākāśa iti, bhūtākāśe ākāśaśabdasya rūḍhatvāt, brahmaṇi ca vede nirūḍhaprayogadarśanāt | pūrvatrānanyathāsiddhaliṅgādanyathāsiddharūpavattvādi liṅgaṃ nītam | iyaṃ tu śrutirliṅgānnānyathayitavyeti pratyudāharaṇalakṣaṇā saṃgatiḥ | prathamatvātpradhānatvādākāśaṃ mukhyameva naḥ | tadānuguṇyena anyāni vyākhyeyānīti niścayaḥ ||

Previous: 1.8
Next: 1.10
Up: 1

Linked texts (1)

Brahmasūtra — Bādarāyaṇa, Sanskrit