Yogasutra 6.32
Yogasūtravṛtti (Bṛhatī and Laghvī) 6.32
- Language
- Sanskrit
6.32
tato dharmameghodayāt kleśakarmanivṛttyā jñānasyānantye sati paravairāgyeṇa puruṣārthasamāptyā kṛtārthānāṃ puruṣāṇāṃ viṣaye guṇānāṃ sattvādīnāṃ pariṇāmakramaḥ samāpyate kṛtārthapuruṣāṇāṃ bhogopayikaḥ
pariṇāmaḥ punarna yataḥ kṛtabhogāpavargāḥ sattvādayoguṇā ataeva samāptakramāstaṃ puruṣaṃ prati kṣaṇamapyavasthātuṃ na samarthā bhavanti sthitihetupuruṣārthābhāvāt | acācetanānāṃ cetanārthatayā cetanyādhīnasattā vedāntibhirucyamānā siddhā atha yajjñānasyānantyātsārvajñyākhyānamokṣakathanaṃ tanmukhyakalpābhiprāyeṇa | vastutaḥ sattvapuruṣayoḥ śuddhisāmye iti sūtre bhāṣye īśvarasthānīśvarasya vā prāptavivekajñānasyetyanenāsarvajñasyāpyabhimānanivṛttimātrādeva mokṣa uktaḥ |
nanu pariṇāmasamāptiriti vaktavye kramaśabdaḥ pratikṣaṇamutpādavināśakathanena vairāgyotpādanāya prayuktaḥ na cāyamarthaḥ kramaśabdāllabhyate tasya paurvāparyamātravācitvādataḥ kramaśabdārthamāha |
Linked texts (1)
- Yogasūtra — Patañjali (author of the Yogasūtra), Sanskrit