Dvadasharanayacakra 1.164

1.164

kathaṃ cetītyādi yāvadekaprakārāvaccheda iti . kathamiti hetuparipraśne, caśabdo doṣasamuccaye, kena hetunā tasyāmanekaprakārabhinnasāmānyavṛttirūpāyatanatāyām, itiśabdaḥ prakāravācī, itthaṃ nānārūpaṃ rūpāyatanaṃ paśyataḥ sañcitālambanatāyāmavibhāgasamavasthasamūhātmakatvāt, avibhāgenaikyāpattyā samavasthā yasya samūhasya so'yamavibhāgasamavasthasamūhaḥ, tadātmakatvādrūpāyatanasya kathamekaprakārāvacchedaḥ ? na bhavitumarhatītyarthaḥ . kimiva ? maṇisamūhaprabhānuviddhavarṇasaṃsthānavat, yathā nānāvarṇānāṃ maṇīnāṃ samūhe tatprabhayānuviddhe varṇasaṃsthāne nāstyekaprakārāvacchedastathaikadravyāvacchedābhāva iti .