Dvadasharanayacakra 1.183

Nyāyāgamānusāriṇī 1.183

Language: Sanskrit

1.183

idānīṃ vyavasthāpitārthopasaṃhārārthamidaṃ vākyamāha --adhigamyasya dvitvāt tadadhigamanimittaṃ dvirūpamityevaṃ vyavasthāpite lakṣaṇaśabdo'rthaparyāyavācī nendriyagrāhyaviśeṣārthaprakṛta ityetasmiṃścārthe sthite pratyakṣānumānayoḥ svarūpābhāvaḥ svavacanavirodhaśca doṣāḥ svārthe sāmānyagocaram iti bruvataḥ proktavidhineti sthitam . punaścātra doṣaḥ--evamavasthite sāmānyagocaravyāvṛttārthena svārthena bhavitavyam . tataḥ ko doṣaḥ ? svārthe sāmānyagocaram ityetadvirudhyate, na hi tādṛśaḥ svārthasya sāmānyatāsambandho'sti, nāpi sāmānyasya svārthasambandha iti .

Previous: 1.182
Next: 1.184
Up: 1

Linked texts (1)

Dvādaśāranayacakra — Mallavādin, Sanskrit