Dvadasharanayacakra 1.227

1.227

syānmatam--ajñānapratibaddham ityajñānaśabdoccāraṇādeva jñānābhyupagamaḥ kṛto bhavati pratiṣedhasyā'brāhmaṇavadanyatra prasiddhaviṣayatvāt, anyathā pratiṣedhānupapatteḥ svavacanavirodhācca . tadapi na cājñānamityuktavirodhaḥ . kimiva ? rādhakapūrṇakamātṛvyapadeśavat . kutaḥ ? viśeṣyaprādhānyādanavadhāraṇāt, kā bhāvanā ? yathā rādhakasya pūrṇakasya vaikaiva mātā vivakṣitā bhavati tadā rādhakamātā iti rādhakena viśiṣyamāṇāviśeṣyamāṇā pūrṇakamātā iti pūrṇakena vā atha rādhakapūrṇakamātā ityubhābhyāṃ vā, sarvathā rādhakasyaiva pūrṇakasyaiva vā mātetyavadhāraṇaṃ nāsti, viśeṣyaprādhānyāt, tathā jñānājñānābhyāṃ tadeva viśiṣyateviśeṣyate vastviti viśeṣyaprādhānyānnoktivirodho jñānājñānayoraviśeṣāt . na tu yathā viśeṣaṇaprādhānyādavadhāraṇaṃ nīlamutpalam iti . atasteṣāmavabodhārthābhedājjñānatvamajñānatvaṃ cāviśiṣṭamiti tat pradarśayannāha --saṃśayaviparyayānadhyavasāyanirṇayāvagamāvabodhārthatvāt . gamḷ sṛpḷ gatau pā॰ dhā॰ 982--983, ava pūrṇagamanamavagamaḥ, avagamaścāvabodhaḥ, abudha vagamanebudha avagamane pā॰ dhā॰ 858, 1172 iti vacanāt . sarveṣāṃ saṃśayaviparyayanirṇayānadhyavasāyānāmavagamārthatvādavagamasya cāvabodhaparyāyatvāt .