Dvadasharanayacakra 1.81

1.81

sa eva vyavahāranayāśrayāllaukiko brūte --ko hi vādānāmiti ekāntavādānām antaṃ kartuṃ śaknu yāt--ucchedaṃ śaknuyāt kartumiti . kiṃ kāraṇam ? na hi sāṅkhyābhihitāḥ sat kāraṇe kāryam, asadakaraṇādupādānagrahaṇāt sarvasambhavābhāvāt . śaktasya śakyakaraṇāt kāraṇabhāvācca sat kāryam .. sāṅkhyakā॰ 9 ityevamādayo hetavaḥ, na vā vaiśeṣikoktāḥ kriyāguṇavyapadeśābhāvādasat vai॰ sū॰ 9 . 1 . 1 ityādayaḥ, kṣaṇikā ghaṭādayaḥ pratyayāyattajanmatvāt ityādayo vā bauddhoktāḥ paraspareṇocchettuṃ śakyante, abhiyuktabuddhyutkarṣaparamparāyā adṛṣṭaniṣṭhatvāt . etasminnarthe jñāpakamāha --āha ceti, nāhameva svamanīṣikayā bravīmi, kiṃ tarhi ? anye'pyevaṃ bruvate . ṇiyayavayaṇijjasaccā savvaṇayā paraviyālaṇe mohā . te puṇa adiṭṭhasamayo vibhaja+i sacce va ali+e vā .. sanmati॰ 1 . 28 svaviṣayasatyatvādevāvicālyā iti taccālane moghāḥ . teṣāmanekāntasthitisvatattvānavabodhāt satyameva, asatyameva vā ityadṛṣṭasamayastān vibhajate ityācāryasiddhasenaḥ .