Dvadasharanayacakra 1.82

Nyāyāgamānusāriṇī 1.82

Language: Sanskrit

1.82

tathānye'pi— yatnenānumito'pyarthaḥ kuśalairanumātṛbhiḥ . abhiyuktatarairanyairanyathaivopapādyate .. vākyapa॰ 1 . 34 iti . anumānāntarabādhyatve'navasthitānumānatvāllokaprasiddhireva pramāṇamityarthaḥ . ko hyetad veda ityaśakyaprāptiṃ darśayati kiṃ vānena jñātena iti prayojanābhāvaṃ ca . yasmāt pratijñāhetudṛṣṭāntopanayanigamanānāṃ jijñāsāsaṃśaya-śakyaprāpti-prayojanapūrvāṇāṃ saṃśayavyudāsaḥ phalamante bhaviṣyatīti daśāvayavavādināṃ matam, tathā ca vyavahāraprasiddhiḥ . tasmāt tyajyantāmadyatanāvyāptyatiprasaṅgāgamakākṣaradaridrakusṛtikāraracitanyāyalakṣaṇānīti .

Previous: 1.81
Next: 1.83
Up: 1

Linked texts (1)

Dvādaśāranayacakra — Mallavādin, Sanskrit