Dvadasharanayacakra 2.203

Nyāyāgamānusāriṇī 2.203

Language: Sanskrit

2.203

evaṃ cetyādi . evaṃ ca kṛtvā lokaprasiddhivaśād yadi hetuto yadyahetuto yathāsaṅkhyaṃ ghaṭakaṇṭakādi buddhyabuddhipūrvanirvṛttābhimataṃ yadastu tadastu ubhayathāpi svabhāvānativṛttiḥ . evametadātmabhavanamanādipravṛttaṃ kāraṇaṃ jagataḥ, pṛthivyabbījāṅkurādiṣu sthiradravādisvabhāvāvirbhāvatirobhāvādirūpeṇa ekaṃ nityaṃ ca notpadyate na vinaśyati na cānyathā bhavatīti pratipattavyam, utpādavināśavipariṇāmānāmanādipravṛttasvabhāvakāraṇavirodhitvāt .

Previous: 2.202
Next: 2.204
Up: 2

Linked texts (1)

Dvādaśāranayacakra — Mallavādin, Sanskrit