Dvadasharanayacakra 2.217

Nyāyāgamānusāriṇī 2.217

Language: Sanskrit

2.217

itara āha --nanu bhedaḥ pratyakṣata ityādi yāvadabhedaśca na gṛhyate . pūrvo'yamuttaro ghaṭa iti digbhedena, ādigrahaṇādūrdhvādhodakṣiṇāparabhedena ca gṛhyate ghaṭādiḥ, tathā utpanno vinaṣṭa ityutpattivināśābhyām, vastuto'pi ghaṭapaṭādirūparasādisvarūpabhedena kṛṣṇo raktaḥ khaṇḍaḥ śakala ityādi, ebhiḥ kāraṇaiḥ pravibhaktatvādarthānāṃ bhedena gṛhyamāṇānāṃ kathaṃ bhedābhāvaḥ ? pūrvottaraśabdābhyāṃ deśakālapariṇāmakramā api gṛhītāḥ . evaṃ pratyakṣato grahaṇaṃ bhedānām, abhedaśca na gṛhyate pratyakṣata eva iti vartate .

Previous: 2.216
Next: 2.218
Up: 2

Linked texts (1)

Dvādaśāranayacakra — Mallavādin, Sanskrit