Dvadasharanayacakra 2.84

Nyāyāgamānusāriṇī 2.84

Language: Sanskrit

2.84

kāryamevāsat, na kāraṇam ityasyāvadhāraṇasya pratipakṣavādāpatterathaivamavadhāryate kāryamasadeva iti . tatrāpi yata evakārastato'nyatrāvadhāraṇamityasatsamīpa evakārāt kāryamasattvenāvadhāryate kāryaṃ niyamādasat, asattu kāryaṃ vā syāt khapuṣpādi vā ityevamasadevakāre tvasadanavadhṛteḥ pūrvo doṣo yo'sattvāviśeṣādityādiḥ sa eva, kāryakhapuṣpayorasattve āyatyāmāvirbhāvānāvirbhāvakṛto viśeṣo na syādityaviśeṣāpattidoṣaḥ prāguktaḥ sa evātrāpi .

Previous: 2.83
Next: 2.85
Up: 2

Linked texts (1)

Dvādaśāranayacakra — Mallavādin, Sanskrit