Dvadasharanayacakra 3.102

Nyāyāgamānusāriṇī 3.102

Language: Sanskrit

3.102

itara āha --atha mamātra kimityādi yāvadekatvāpattau bhavatīti . yadi yuṣmatsiddhāntenānavasthitatattve laghugurutve yujyete tato yuktamuktam--asmān pratyasiddhaṃ laghureva iti . tato mamātra kim ? yat punaretaduktaṃ bhavantaṃ ca pratyasiddham iti tadayuktamuktam . yadapi ca bhavatsiddhāntenoktaṃ tadapi nopapadyate, yasmād dravyaṃ caitadevaṃ laghugurutvāpekṣayā tadeva dṛṣṭamiti na gurulaghvādayo guṇāḥ sattvarajastamāṃsi ca, laghvādiprakāśādyātmakā guṇāstvime tallakṣaṇā mayocyante, teṣāṃ guṇānāṃ sandrāve saṅgame, tadarthavyaktiḥ ekatvāpattāviti, tatraitasmin guṇaikagamane dravyatā bhavati guṇasandrāvo dravyam pā॰ ma॰ bhā॰ 5 . 1 . 119 iti lakṣaṇāt, te ca guṇāḥ parasparato'nye, tasmānnāsiddhamityabhiprāyaḥ .

Previous: 3.101
Next: 3.103
Up: 3

Linked texts (1)

Dvādaśāranayacakra — Mallavādin, Sanskrit