Dvadasharanayacakra 3.42

Nyāyāgamānusāriṇī 3.42

Language: Sanskrit

3.42

āha --nanvavibhaktarasagrīvādyāpattivat pradhānasyaiva ca sāpattiḥ . tvaduktamayūrāṇḍakarasagatāvibhaktagrīvādipravibhāgāpattibhāvadṛṣṭāntasāmarthyādeva triguṇasāmyāvasthaikapradhānāpattireva sā sidhyati, na sukhādyāpattiriti . atrocyate --kasya vā na manorathaḥ kathaṃ bhavān ekameva kāraṇamanekakāryatayā viparivartamānam ityetad darśanaṃ pratipādyeteti . tasya ca kāraṇasya pradhānaṃ puruṣo niyatiḥ śabdabrahma ityādisaṃjñā tvayeṣṭā yāstu sāstu, kiṃ no vivādena ? tadartha eva me prayāsa ekakāraṇamayatvaṃ tvaṃ pratipādayitavya iti, eṣa pratipādito'si, tvameva tu na vettheti gatārthaṃ yāvat kalpaneti .

Previous: 3.41
Next: 3.43
Up: 3

Linked texts (1)

Dvādaśāranayacakra — Mallavādin, Sanskrit