Dvadasharanayacakra 3.62

3.62

syānmatam--vaiṣamyādadṛṣṭānto'yam, sambandhinaḥ suṭaḥ sarvanāmasthānavidhāne napuṃsakānapuṃsakaviṣayatvāvirodhād yujyeta sarvanāmasthānasaṃjñā, viṣayasya tu napuṃsakānapuṃsakatvavirodhavad varaṇāvaraṇādyātmakatvānupapattiriti . etadapi ca na vaiṣamyāya, atrāpi tattulyatvāt, taṭastaṭaṃtaṭīstrīpuṃnapuṃsakāstrīpuṃnapuṃsakatvavadetat syāt ekasminneva liṅgatrayadarśanāt, dṛṣṭaṃ hi taṭe liṅgatrayaṃ taṭaṃ taṭastaṭī ityekasminneva, yadā ca napuṃsakaliṅgaṃ tadā na straiṇaṃ na pauṃsnam, puṃstve na strītā na napuṃsakatā, strītve netaradvayatā, ityastrīpuṃnapuṃsakatvaṃ ca tathā varaṇāvaraṇādyātmakatvamastu, ko doṣaḥ ? sarūpaikaśeṣākaraṇamanukaraṇatvād liṅgatrayavyaktyarthamityadoṣaḥ .