Dvadasharanayacakra 3.65

Nyāyāgamānusāriṇī 3.65

Language: Sanskrit

3.65

syānmatam--ghaṭaḥ kaṭe triguṇo'pi nāstīti . tataśca satkāryavādatyāgo vā tatrābhāvāt, yadi sattvādiguṇe mṛdādau kaṭādirna syāt triguṇo'pi tathā ghaṭo'pi mā bhūt, ato'san ghaṭaḥ paścādutpannastatra prāgabhūta iti asatkāryavādaḥ satkāryavādatyāgaśca prāptaḥ . kiñcānyat, prakāśādiviviktasvarūpaguṇasamudayābhyupagamād rūpādiskandhasamudayavāda evāyamapi deśabhinnayugapadbhāvyanirdeśyaguṇasamudayamātratvāt . kṣaṇikavādaśca, ayugapadbhāvipiṇḍaśivakādyanirdeśyanirvikalpārthamātratvāt . ata eva ca śūnyavādāpattiḥ, anirdeśyasvabhāvatvāt, khapuṣpavat .

Previous: 3.64
Next: 3.66
Up: 3

Linked texts (1)

Dvādaśāranayacakra — Mallavādin, Sanskrit