Dvadasharanayacakra 3.66

Nyāyāgamānusāriṇī 3.66

Language: Sanskrit

3.66

rūparasagandhasparśasaṅkhyāsaṃsthānādīnāṃ ghaṭādiṣu dṛṣṭānāmanyatvād vipakṣo'sti ityāśaṅkethāḥ, tatrāpi rūpādīnāṃ cāpyanenetyādi yāvat pratyudāharaṇābhāva eva te . rūpaṃ rasādananyat agandhādyātmakatvād rūpasvarūpavadityādi prasiddhiviruddhasiddhyatiprasaṅgo'pi, te tvatprativādino doṣāsaktirabhimataiveti tadeva yāvad bhāvapakṣavaditi, punaśca svamate'pi sukhādyanvayamātratvādityādi yāvat samudāyakṣaṇikaśūnyavādāpatteriti samānaścarcaḥ .

Previous: 3.65
Next: 3.67
Up: 3

Linked texts (1)

Dvādaśāranayacakra — Mallavādin, Sanskrit