Dvadasharanayacakra 3.85

Nyāyāgamānusāriṇī 3.85

Language: Sanskrit

3.85

athocyeta--evameva tatkāraṇatvam, teṣāṃ sattvādīnāṃ kāraṇatvamevameva yujyate . tatra ca teṣu sattvādiṣu kāraṇeṣu śabdādikāryasattvamevameva yujyate pratisvaṃ prakāśādikāryāṇāṃ śuklaraktakṛṣṇatantvātmikāyā rajjoḥ kāryāyāstantukāraṇatvavat, yathā pratyekaṃ śuklādiguṇāstantavastrayo'pi triguṇāmekāṃ rajjumārabhamāṇāḥ kāraṇatvaṃ nātivartante tatasteṣu sata eva traiguṇyasyāvirbhāvād rajjoḥ satkāryatvaṃ tathā sattvādikāraṇatvaṃ śabdādisatkāryatā ceti .

Previous: 3.84
Next: 3.86
Up: 3

Linked texts (1)

Dvādaśāranayacakra — Mallavādin, Sanskrit