Dvadasharanayacakra 4.45

Nyāyāgamānusāriṇī 4.45

Language: Sanskrit

4.45

yaccāpītyādi . na kevalaṃ kartṛsādhana eva doṣaḥ, kiṃ tarhi ? karmaikāntavādo'pyayuktaḥ . tatpradarśanārthamāha --evaṃvādinaste punaḥ kāryalakṣaṇatvāt karmaṇaḥ, kāryaṃ karma, yat kriyate tat karma, karturīpsitatamaṃ karma pā॰ 1 . 4 . 49 iti lakṣaṇādakṣarārthāccānumeyaḥ kartā . tasmāt karmaṇo'nyaṃ kartāraṃ karmavyatiriktamantareṇa karmābhāvād ghaṭasyeva kulālo'vaśyaiṣyaḥ kartā . prayogaśca--svatovyatiriktacetanakartṛkaṃ tvadiṣṭaṃ karma, kāryatvāt kriyamāṇatvāt, ghaṭavaditi .

Previous: 4.44
Next: 4.46
Up: 4

Linked texts (1)

Dvādaśāranayacakra — Mallavādin, Sanskrit