Dvadasharanayacakra 4.47

Nyāyāgamānusāriṇī 4.47

Language: Sanskrit

4.47

na hi sa kriyamāṇa ityādi yāvadābhūtadevadattavaditi tadeva bhāvayati . tasyāḥ karmaśakterasvatantratvamalabdhātmavṛttitvāt . asvātantryācca kuto bhavanam ? dṛṣṭāntaḥ--ābhūtadevadatto garbhopakramāvasthāyāṃ kāryāyāmalabdhātmavṛttitvādasvatantraḥ asvatantratvādakartā, akartṛtvācca na bhavati kāryāvasthāvyatirekeṇa yathā devadattaḥ tathā kāryāvasthāyāṃ karmāpi kriyamāṇaṃ na bhavet, aniṣṭaṃ caitat tvayāpi . tasmāt karmābhavati, tacca pṛthagbhūtapuruṣabhavanādṛte na bhavatītyasti puruṣaḥ .

Previous: 4.46
Next: 4.48
Up: 4

Linked texts (1)

Dvādaśāranayacakra — Mallavādin, Sanskrit