Dvadasharanayacakra 4.65

Nyāyāgamānusāriṇī 4.65

Language: Sanskrit

4.65

evamanayetyādi yāvadbhāvanīyamiti . evaṃ tāvad dvyātmakatayā ātmakarmaikāntavādapratyuktidigiyaṃ pradarśitā . anayaiva diśā anayaiva puruṣakāra ityāpādyoktanyāyena tadeva vastu karmasaṃjñāmātreṇa bhāvayitvā puruṣakāraikāntavādaḥ pratiṣedhyaḥ . tadyathā --karma ca kāraṇaṃ pravartayitṛtvāt sukhaduḥkhotkarṣāpakarṣavikalpānubhavāvaśyambhāvi, tasya caikasya uktavat sarvatvādupayogatvāt puruṣatāpi ityādi sarvamaśeṣaṃ yojanīyam, yat pareṇānabhyupagatamanyataraditarat taditarasminnāpādyamiti, tata āha --yatraikasya svātantryaṃ tatra tatpradarśitatattvasya itarasyāpīti bhāvanīyamiti bhāvanopāyaṃ pradarśayati sāmānyena . tathā viśeṣya bhāvitamevāsmābhiriti .

Previous: 4.64
Next: 4.66
Up: 4

Linked texts (1)

Dvādaśāranayacakra — Mallavādin, Sanskrit