Dvadasharanayacakra 5.46

Nyāyāgamānusāriṇī 5.46

Language: Sanskrit

5.46

yadapyuktaṃ pravṛttisāmānyaṃ pravṛttiviśeṣatvenābhūtatvāt kārakavad gacchatyādivyāpi na bhavati iti tadapi nānumānam, asiddhahetutvāt . pravṛttisāmānyasya pravṛttiviśeṣatvenābhūtatvamasiddhaṃ pravṛttiviśeṣasvarūpatvādeva, tatsāmānyasya pravṛttiviśeṣasvarūpatvaṃ ca sarvatra bhavanasyāvicchinnatvāt tadavinābhāvācca gatyādiviśeṣāṇāṃ bhavanasvātmavaditi tannyāyamanusmārayannāha --pravṛttiviśeṣatvenābhūtatvādyasiddhatāpi caivamuktaiva . ādigrahaṇād virodhāvirodhabhāvau dravyakriyayorevamuktāveveti . yadapyuktam --asattvād dravyadvitīyatāpi naiva pravṛttisāmānyasyāsattvaṃ ca khapuṣpavadagatyāditvāditi, atrocyate--agatyāditvācca nāsattvaṃ hetvasiddherevoktavad gatyādisvarūpatvāt satatabhavanasyeti .

Previous: 5.45
Next: 5.47
Up: 5

Linked texts (1)

Dvādaśāranayacakra — Mallavādin, Sanskrit