Dvadasharanayacakra 5.54

Nyāyāgamānusāriṇī 5.54

Language: Sanskrit

5.54

syādetadityādi . syānmatam--virodhitvāt ityetadanaikāntikamabhāvatvaprasaṅgāt . gaterabhāvo gatyā virudhyate prakāśābhāveneva tamasā prakāśaḥ, yathā tvanmatenaiva nanu prāg gatireva kriyāntaraprādurbhāvenānabhivyaktiṃ nīyamānā bhāva eva ityuktam, tatra sthityā virodhavat khapuṣpādinā gatyabhāvenāpi virodhaḥ . tatra tadvirodhitvāt tadavinābhāvitve iti gatirabhāvāvinābhāvinī syāt tadvirodhitvāt, yacca yadvirodhi tat tenāvinābhāvi dṛṣṭam, yathā--gatiḥ sthityā . khapuṣpādervā bhāvatvameva syāt, gativirodhitvāt, sthitivat . evaṃ tadavinābhāvitve sati kuta etad bhāvaviṣayameva etadabhidhānaṃ sthitiḥ iti ? khapuṣpādiḥ ityabhāvaviṣayamevaitaditi vā kutaḥ ? viśeṣo vātra vācya iti .

Previous: 5.53
Next: 5.55
Up: 5

Linked texts (1)

Dvādaśāranayacakra — Mallavādin, Sanskrit