Dvadasharanayacakra 5.55

Nyāyāgamānusāriṇī 5.55

Language: Sanskrit

5.55

atra brūmaḥ --yadyabhāvo'pītyādi . khapuṣpādervipakṣaṃ kṛtvā bhāvatvād nāniṣṭāpādanam . kiṃ viśeṣeṇoktena ? yathā sthiterabhāvatvāyuktistathā khapuṣpāderapītyabhiprāyaḥ . tat kathaṃ bhāvyate ? iti taducyate --yadyabhāvo bhāvena abhāvena vā bhāvo virudhyate tāvubhau yo virudhyate yena ca virudhyate bhāvāveva tarhi virodhitvāt yatkiñcidvaditi udāharaṇasaulabhyaṃ darśayati ahinakulādivad ghaṭapaṭādivad ghaṭakapālādivadvā sarvatra sahānavasthānalakṣaṇaviroghadarśanād deśataḥ kālato veti . tasmāt khapuṣpāderapi bhāvatvād nāniṣṭamiti .

Previous: 5.54
Next: 5.56
Up: 5

Linked texts (1)

Dvādaśāranayacakra — Mallavādin, Sanskrit