Dvadasharanayacakra 5.56

5.56

yadapi ca tvayā sthityabhidhānamabhāvaviṣayamiti manyate tasyāpīyamupapattiḥ syād bhavantī, tadyathā— gatyabhāvamātraviṣayatvaṃ cānutpadyamānasthitirgatinivṛttiriti, tathā ca kalpyamānāyāmanutpadyamānasthitau gatinivṛttau, gatisthityādi ekabhūtaṃ bhavanaṃ prāguktanyāyakam, tenāvinābhūtaṃ dravyam, tasya vināśo'tyantamabhāvaḥ, tadviṣayaṃ sthānam ityabhidhānaṃ syāt, na caivaṃ dravyasya kūṭasthanityatvād bhavitumarhati . tasmādeva ca tadaniṣṭabhayāt pratipattavyam--gatinivṛttiḥ sthitirnābhāvaḥ, tathā khapuṣpādiśceti . tadupasaṃharati --tasmād gatyabhāvalakṣitetyādi gatārtham .