Dvadasharanayacakra 5.61

Nyāyāgamānusāriṇī 5.61

Language: Sanskrit

5.61

evamabhidhānāttvavyutpattau vyutpattau vetyādi . atra dravyāvasthā ityasya śabdasyārthadvayakalpanā syāt--rājavṛkṣādiśabdavadavyutpattirvyutpattirvā rājapuruṣaśabdavat . ubhayathāpi svavacanavirodhaḥ . tadvyācaṣṭe --tatra tāvadavyutpattau avasthāyāstato'nyatvam, dravyādanyāvasthā, tatsvādiviṣayaśabdavācyatvāt, tasya svasvāmisambandhādiṣaṣṭhīviṣayeṇāvasthāśabdena vācyatvaṃ dravyasya, itarathā dravyaśabdo'vasthāśabdo vānarthakaḥ syāt, iha yadviśeṣavācino'pi śabdasya vācyārtho'nya ityavaśyamabhyupagantavyam, devadattāśvavat, yathā devadattāśva ityukte devadattasya svamaśvaḥ so'sya svāmīti tena svāmiviṣayeṇa aśvaśabdena tasya devadattasya vācyatvāt tato'nyatvaṃ dṛṣṭamevaṃ dravyāvastheti .

Previous: 5.60
Next: 5.62
Up: 5

Linked texts (1)

Dvādaśāranayacakra — Mallavādin, Sanskrit