Dvadasharanayacakra 5.65

Nyāyāgamānusāriṇī 5.65

Language: Sanskrit

5.65

yat punaretaduktam aviśiṣṭadeśasaṃyogā vā sthitiḥ iti lakṣaṇaṃ tanna yuktaṃ vāśabdavarjyam, tatrāpi vāśabdasyānarthakyaṃ vikalpārthāsambhavāt . kasmāt punastadayuktam ? dvābhyāma yadapi ca dvitīyaṃ viśeṣagrahaṇaprayojanamabhidhīyate--sarvadā sarvabhāvānāṃ pravṛttisamanvayād devadattaḥ ityapi nāpravṛttikaṃ vastu, sarvabhedasambandhānuguṇyāttu nāyaṃ viśeṣaḥ tasmānna kriyā ityevamarthaṃ viśeṣagrahaṇam . idamapi tyaktadravyārthotthānam . yathā tatra pravṛttisāmānyanivṛttyarthe viśeṣagrahaṇe tathehāpi devadattādidhātutvanivṛttyarthe virodhāt, kriyā dravyādarthāntaram ityanena darśanenāvirodhāt, uktivastukriyālakṣaṇena dravyakriyāśrayeṇa ca prāguktena ca nyāyena cāvirodhāditi .

Previous: 5.64
Next: 5.66
Up: 5

Linked texts (1)

Dvādaśāranayacakra — Mallavādin, Sanskrit