Dvadasharanayacakra 6.53

Nyāyāgamānusāriṇī 6.53

Language: Sanskrit

6.53

tataḥ kim ? tatastvaduktadravyasvarūpalakṣaṇabhavanānupapattiḥ, sarvaprabhedanirbhedaṃ bījaṃ dravyam, tasyaiva dravyasya tathābhūtasannihitaśaktivyaktirbhāvaḥ ityevaṃsvarūpalakṣaṇasya bhavanasyānupapattiḥ, dravyabhavanabhinnabhavanātmakatvād guṇādīnāṃ dravyāntarāṇāṃ sattāsamāvāyādyāśritapadārthānāṃ ca . itiśabdo hetvarthe, tasmāt kāraṇādubhayasyāpi sāmānyasya dravyabhavanasyaikarūpasyotsargasya kriyābhavanasya cāpavādasya bhūtābhūtādibhedasyābhāvaḥ . kathaṃ tarhi tayorbhāva iti cet, ucyate--dravyādiṣaḍbhedasya saprabhedasyaiva pṛthakpṛthaksvarūpasyaiva viśeṣadharmakasya bhāvaḥ .

Previous: 6.52
Next: 6.54
Up: 6

Linked texts (1)

Dvādaśāranayacakra — Mallavādin, Sanskrit