Dvadasharanayacakra 6.54

6.54

yadapi ca tat svasanmātraṃ svarūpasattvaṃ tadapi nātmanaiva, yaducyate--yadayaṃ bhavati svayamevārthāntaranirapekṣaṃ svatantram, vibhaktyantareṇa tadeva vyaktīkaroti --yadanena bhūyate iti, svabhāvasambandha ityarthaḥ, ayaṃ tvayeṣṭaḥ sa evāsya bhāva iti, naiṣa punarbhāvo bhavati . kastarhi ? anyenānyena bhūyate'nyāpekṣeṇa ca tathā tadbhinnena so'nya evāsya bhāvo bhāvaḥ . ko'sau ? sattā mahāsāmānyam . yena ca bhūyate so'pi cāsya bhāvaḥ, sadvyapadeśārhasya dravyādeḥ sato'pi bhāvaḥ, na kevalaṃ sattaiva, yatsambandhād bhavati iti bhavati sāpi sattā bhāvaḥ sacca dravyādi bhavatītyarthaḥ .