Dvadasharanayacakra 6.55

6.55

bhāve'pyubhayatā ubhayotsargāt, sattāyāmapi ubhayatā sāmānyaviśeṣatā, sotsṛjyate niyamyate ca, so'pi hyutsṛjyate ca bhāvaḥ sarvagataḥ iti, niyamyate svagata eva iti . sattāntarasambandhanirapekṣasadbhāve'sati mā bhūt sambandhānavasthā, dvividho hi bhāva iti sarvasya vastuna utsargāpavādau pṛthak svabhāvaḥ svarūpasattā, sambandhaḥ sambandhasattā yatsambandhād dravyaguṇakarmasu saditi bhavati . na tu bhavatyeva bhāvaḥ san, dravyaguṇakarmavat sattāsvatattvāsamavāyāt . daṇḍavattu arthāntarāpekṣatvād dravyaguṇakarmaṇāṃ sattādisambandhānurūpapratyayahetutvaṃ sāmānyādīnām, na tvagṛhīte viśeṣaṇe viśeṣye buddhiranupravartate . pṛthagvibhinnarūpau darśayati . tadvyākhyā --svabhāvaḥ sambandhaścetyādi gatārthaṃ yāvad dravyaguṇakarmasu sat iti bhavati, svarūpasattā nārthāntaramapekṣate sambandhasattā tvapekṣata ityarthaḥ .