Dvadasharanayacakra 7.163

7.163

evaṃ svabhāvasat-sambandhasadvastubhāvabhedavādivaiśeṣikamatanirākaraṇaprapañcenaitadāyātamiti tad darśayati --evametadityādi ubhayamubhayabhāk ityasya nayasya svarūpam, yat tat sāmānyaṃ tadapi vidhīyate niya- myate yo'pi viśeṣaḥ so'pi vidhīyate niyamyate ceti . tad vyācaṣṭe'kṣarārthaṃ pradarśayan prakṛtipratyayārthābhyām — sāmānyaṃ bhāvaḥ prakṛtyarthaḥ, tad darśayati --yat tat tena bhūyate sā sattā, bhū sattāyām pā॰ dhā॰ 1 iti pāṭhāt sāmānyam, tat kiṃ prakṛtyarthamātrameva ? na ityucyate, viśeṣo'pi pratyayārthaḥ sa tasyaiva bhavitṛtvavācipratyayārthatvāt sa eva prakṛtyarthaḥ pratyayārtho'pītyuktaḥ . yo'sau bhavati kartṛvācipratyayārthaḥ sa viśeṣaḥ sāmānyamapi bhavati sattā bhāvaḥ bhavanātmakatvāt bhavanaṃ sāmānyamantareṇa tasyākartṛtvādabhavitṛtvāt sa eva pratyayārthaḥ prakṛtyarthānatikrameṇa vṛtta iti .