Dvadasharanayacakra 7.164

Nyāyāgamānusāriṇī 7.164

Language: Sanskrit

7.164

syānmatam--vidhividhinayamatavadekatvāpattiḥ sāmānyaviśeṣayoriṣṭā, saiṣā tvaduktanyāyenaivaṃ tvekatvāpattirapīti sā mā bhūt iti sarvavikalpabhāvaikatvavyudāsena viśeṣalakṣaṇamanayoḥ paryāyādibhirvibhaktaṃ vaktukāma āha --sāmānyaṃ pravṛttirityādi yāvad vidhirbhāva iti tathā viśeṣo'pītyādi yāvad niyamo'bhāva iti dvāvetau bhāvābhāvau paryāyabhedāt . etadubhayaṃ pūrvavad vidhividhyaravikalpapuruṣādivādavat ekamevedam ityevaṃvidhaṃ bhāvamanāpadyamānaṃ sāmānyamapi sāmānyaṃ viśeṣaśca bhavataḥ viśeṣo'pi viśeṣaḥ sāmānyaṃ ca bhavata iti .

Previous: 7.163
Next: 7.165
Up: 7

Linked texts (1)

Dvādaśāranayacakra — Mallavādin, Sanskrit