Dvadasharanayacakra 7.74

Nyāyāgamānusāriṇī 7.74

Language: Sanskrit

7.74

itarathā naivetyādi . evaṃ sadasadātmakatvamanicchato vastunaste naiva bhaved vastu apūrvatvāt nirbījatvāt, nāsya pūrvamiti bahuvrīhisamāsāśrayeṇa na pūrvamapūrvaṃ prāgasattvāditi tatpuruṣāśrayeṇa vā, khapuṣpavat . vaidharmyeṇa campakapuṣpavat, mūlāṅkurādibhavanena pūrvasyaiva sataścampakasya puṣpībhavanāt . tacca sadasadātmakaṃ campakakusumamiti . evamaparatvādanuttaratvādabhedatvāditi yojyam . tasmād vartamānameva na syāt, tataścāvartamānatvādapi naiva syāt, vāndhyeyavat kṣaṇikavādavaditi ca khapuṣpakṣaṇabhaṅgavailakṣaṇyaprastuterudāharaṇadvayametat . tannigamayati --tasmānna sadasatoḥ pratipakṣatvamiti .

Previous: 7.73
Next: 7.75
Up: 7

Linked texts (1)

Dvādaśāranayacakra — Mallavādin, Sanskrit