Dvadasharanayacakra 7.75

Nyāyāgamānusāriṇī 7.75

Language: Sanskrit

7.75

itaśca na naikātmyaṃ sadasatoraikātmyameva, dviḥ pratiṣedhasya prakṛtyāpatteḥ . kutaḥ ? vidhipratiṣedhaikaviṣayatvāt, vidhiḥ anvayaḥ, pratiṣedho vyatirekaḥ, tāvubhāvekaviṣayau ityetat pratyekavastusvarūpapratipattyarthatadatatpravṛttivyāvṛttisadasadātmaka iti avibhaktasvarūpaparyanubhavo'tītānāgatavartamānabhinnabhavanasadasadekakriyaḥ ityādivacanāt siddham . tasmāt sadasadaikātmyameva bhāvitaikātmyacetanācetanatvavat, yathā ca cetanācetanayorvidhipratiṣedhaikaviṣayatvena bhāvayitvā cetano'cetana ityuktaṃ tathehāpi dravyādisadasadaikātmyād nāsti sadasatoḥ pratipakṣateti .

Previous: 7.74
Next: 7.76
Up: 7

Linked texts (1)

Dvādaśāranayacakra — Mallavādin, Sanskrit