Dvadasharanayacakra 7.93

7.93

syānmatam--nāvadhārya mṛdātmanaiva sat, nānyena iti brūmaḥ, kiṃ tarhi ? mṛdātmanā tāvat san ghaṭo yadi rūpādipiṇḍādiśivakādyabādyātmabhirapi bhaved bhavatu nāma tadātmatvāt, ko doṣaḥ ? iti . atra brūmaḥ --avyudāse tu ghaṭātmanāpi sanneva tadbhāvatvāt, te bhāvā rūpādiśivakādyabādivrīhyādayo ghaṭādayaścāsyā mṛdaḥ, tadbhāvabhāvastadbhāvatvam, tasmāt tadbhāvatvāt ghaṭātmanā prāk kāryamutpatteḥ sat tadātmatvād ghaṭātmatvāt apiśabdāt sarvātmakatvācchivakādipāṃ śvādivrīhyādyātmanāpi sat . tathā cāsatkāryatvānuktiḥ, satkāryoktireva kṛtā tathā vadateti . tasmānna syādvādina evamāhurekāntavādina ivānapekṣya pūrvāparam .