Dvadasharanayacakra 8.10

Nyāyāgamānusāriṇī 8.10

Language: Sanskrit

8.10

syānmatam--upakāryopakāribhāvena vināpi bhavati vastviti . etadapi na ca pradhānopasarjanabhāvenetyādi yāvad vastupravṛttiriti . bhoktā pradhānam, tadarthaṃ bhogyamupasarjanamodanavardhitakavaccharīrādyātmanaḥ . śarīrameva bhoktṛ cetanādhiṣṭhitam, tadarthamupasarjanamāhārādi, ādigrahaṇād vastraśayyāsanagṛhādi, āhārārthaṃ śālyādi, śālyādyarthaṃ salilādi . yathaitad bhoktṛbhogyādi guṇapradhānabhāvenaiva pravartate na vinā teneti . dṛśyate ca vastunaḥ pravṛttiritthaṃ pratyakṣīkṛtamiti tayoreva bhāvābhāvayoḥ pradhānopasarjanatā guṇapradhānabhāvaḥ, tṛtīyavastvabhāvāt .

Previous: 8.9
Next: 8.11
Up: 8

Linked texts (1)

Dvādaśāranayacakra — Mallavādin, Sanskrit