Dvadasharanayacakra 8.63

Nyāyāgamānusāriṇī 8.63

Language: Sanskrit

8.63

itaśca vyākhyānālliṅgādyabhinnārthagatirupapadyate, anekārthaikaśabdagrahaṇenāpītyādi . vyākhyātṛbhirekaḥ śabdo'nekārtha iti bruvadbhirvyākhyānād liṅgādyabhede'pyarthādhigatirabhyupagataiveti . tad yadapyucyeta--liṅgādivicārakhedo'yamakasmāt kriyate tvayā . abhijalpo hi śabdārthaḥ . sa ca śabda eva . so'yamityabhisambandhād rūpamekīkṛtaṃ yadā . śabdasyārthena taṃ śabdamabhijalpaṃ pracakṣate .. darśayati --yathāha--vāg-dig-bhū-raśmītyādi śloko'yamācāryeṇaiva vyākhyātaḥ yāvad dṛṣṭyā veti granthenaiva . evaṃ niravaśeṣavyākhyeyaviṣayavyāpitā vyākhyāyāḥ pradarśitā . ata eva cetyādi . vyākaraṇaṃ hi lakṣyādhigataye lakṣaṇaṃ kathaṃ nāma śabdādarthe jñānamaviparītaṃ syāt iti . tasmād vyākaraṇādhyayane yatna āstheyaḥ .

Previous: 8.62
Next: 8.64
Up: 8

Linked texts (1)

Dvādaśāranayacakra — Mallavādin, Sanskrit