Dvadasharanayacakra 8.85

Nyāyāgamānusāriṇī 8.85

Language: Sanskrit

8.85

arthābhāve mā bhūdeṣa doṣa iti atha so'pyasti bhedenārthaḥ śabdād yasya tadrūpamanekaṃ sadekaṃ kriyate, kiṃ tataḥ ? idaṃ bhavati --na tarhi śabda eva śabdārtho'bhijalpatvamāgato vācyaḥ, kiṃ tarhi ? viśiṣṭā śaktiḥ śabdādanyā sarvaśaktirvārtho'nya iti prāptam . tata evedaṃ cāyuktaṃ tvayā yathocyate--taṃ śabdamabhijalpaṃ pracakṣate, sa ca śabdārtha iti, yasmāt sa yathā śabdastathārtho'pi sambandhenaikīkriyamāṇatvāt pṛthak siddhaḥ, kimiva ? kṣīrodakavad dvayorapyekīkṛtatve tulyatvāditi sādhyasādhanadharmānugamapradarśanam . api cetyādi arthārthatvamevoktaṃ prāk pratyāyyatvāt abhijalpārthāvayavavat iti tadarthasmāraṇaṃ gatārthaṃ yāvadartho'rtha evetyavadhāraṇam .

Previous: 8.84
Next: 8.86
Up: 8

Linked texts (1)

Dvādaśāranayacakra — Mallavādin, Sanskrit