Dvadasharanayacakra 8.86

Nyāyāgamānusāriṇī 8.86

Language: Sanskrit

8.86

yadā caivamityuktakrameṇa pṛthak siddhau prādhānye cārthasya tadāsmanmataṃ yathārthābhidhānaśabdatvameva pratipannam, arthasya tattvāt . tad vyācaṣṭe --yo'sau śabdaḥ so'yaṃ na artho na bhavati śabdaḥ artha evārthaḥ ityuktatvāditi asmādarthāt pratyakṣanirdeśyādanya evāsau saḥ iti parokṣanirdeśyo bhedena . evaṃviṣaya eva arthaviṣaya eva śabdaḥ, na śabdaviṣayo'rthaḥ nāpradhāna ityarthaḥ . aryate'yaṃ tena śabdena arthaḥ, kimuktaṃ bhavatīti, tenocyate gamyate, ṛ gatau pā॰ dhā॰, tasyārthaḥ śabdasya viṣayaḥ, viṣayiṇo viṣayaparatantratvād yārthasya gatiḥ śabdasyāpi saiva, nātmanaḥ pṛthak svatantrā . evaṃ vyākhyātamarthaprādhānyaṃ pārthakyaṃ ca .

Previous: 8.85
Next: 8.87
Up: 8

Linked texts (1)

Dvādaśāranayacakra — Mallavādin, Sanskrit