Dvadasharanayacakra 8.87

Nyāyāgamānusāriṇī 8.87

Language: Sanskrit

8.87

evaṃ ca kṛtvetyādi guṇotkarṣamasmanmate darśayiṣyāmaḥ, yogyaśabdetyādi yāvadadhyāropayati iti tvadukto grantho yukto'smin darśane . tadbhāvayati --yogya eva śabdaḥ pṛthubudhnādilakṣaṇasyārthasya ghaṭaśabdaḥ nāyogyaḥ paṭādiśabdo yaḥ kaścit krīḍitamevāstu iti prayujyate kākavāśitādivadabuddhi- pūrvo vā, kasmāt ? arthavisaṃvādāt, arthena visaṃvādo'sya vācyavācakasambandhābhāvaḥ, sa ca ekīkartumaśakyatvāt sambandhayitum . hiśabdo'pi cetyādi, yogyaśabdanibandhanā hi ityatra hiśabdo hetvarthe, yasmād yogyaśaktītyādi tadvyākhyā gatārthā yāvad maryādayā veti .

Previous: 8.86
Next: 8.88
Up: 8

Linked texts (1)

Dvādaśāranayacakra — Mallavādin, Sanskrit