Yashastilaka 4.244.3

4.244.3

anavaratakṣaratkṣapārasarāgaraktaśitiśarīratayā kañjakiñjalkakaluṣakālindīkallolakulamiva anavarataṃ nirantaraṃ kṣaran prodgaran yo'sau kṣapāraso haridrādravastasya rāgeṇa raktaṃ śiti kālavarṇaṃ yaccharīraṃ tasya bhāvastattā tayā kañjānāṃ padmapuṣpāṇāṃ yo'sau kiñjalkastena kaluṣaṃ miśritaṃ kālindyā yamunāyāḥ kallolānāṃ kulamiva vṛndamiva | puna kathaṃbhūtaṃ balam | māyūrabarhātapatraprabhāśyāmikāsaṃpāditagaganagāruḍopalakuṭṭimacchāyam māyūrabarhāṇāṃ yāni ātapatrāṇi dhīchatrakyaisteṣāṃ prabhāṇāṃ yā śyāmikā śyāmalatvaṃ tayā saṃpāditā gagane gāruḍopalānāṃ gāruḍodgāraratnānāṃ kuṭṭimasya baddhabhūmerucchāyā śobhā yena tattathoktam | punaḥ kathaṃbhūtaṃ balam | daradadravāpāṭalaphalakāntikuṭilakaṭitaṭollāsalālasakaram daradadraveṇa hiṅgulakarasena āpāṭalaṃ raktaṃ yatphala phalakaṃ kheṭakastasya kāntyā tejasopalakṣitaṃ kuṭilaṃ vakrīkṛtaṃ yat kaṭitaṭaṃ śroṇipradeśastasyollāse ucchvāsane lālasaḥ sākāṅkṣaḥ karo hasto yasya tattathoktam | punaḥ kathaṃbhūtaṃ balam | saṃdhyābhragarbhaviśrāntābhriyasaṃdarbhanirbharaṃ nabha iva saṃdhyābhrāṇāṃ garne viśrāntā bhramanto ye abhriyā vabhrāyavasteṣā saṃdarbheḥ samūhairnirbharaṃ saṃyuktaṃ nabha iva ākāśamiva | punaḥ kathaṃbhūtaṃ balam | anekadolikāvilaṃ nānātampānasaṃyuktam || he deva, itaśca ekasmin pārśve auttarapathaṃ uttarapathādāgataṃ balaṃ tvaṃ paśya | kathaṃ bhūtamauttarapathaṃ balam | uttaptakāñcanakāntakāyaparikaram uttaptamutkālitaṃ yat kāñcanaṃ kāñcanavat kānto yo'sau kāyastasya parikaraḥ prārambho yasya tattathoktam |