Yashastilaka 4.281.4

4.281.4

tadvadanānurūpavapuḥsaṃpādanasamāhitahṛdayena tasya gaṇapatervadanaṃ tadvadanaṃ tadvadanasya anurūpaṃ gaṇapativadanānusāraṃ vapuḥ śarīraṃ tasya saṃpādane niṣpādane samāhitaṃ sāvadhānīkṛtaṃ hṛdayaṃ yena sa tathā tena | pitāmahena kiṃ kurvatā | saptasāmāni saptasāmavedavākyāni abhigāyatā mandatayā gānaṃ kurvatā | he devatābhiradhiṣṭhitodāraśarīrageha devatābhirdevaviśeṣaiḥ adhiṣṭhitaṃ nivāsīkṛtaṃ udāramatiśayena manoharamatyunnata vā śarīragehaṃ kāya mandiraṃ yasya sa tathā tasya saṃbodhana he tathokta | kathaṃbhūtābhirdevatābhiḥ | trilocanācyutavirañcivirocanacandracitrabhānuprabhṛtibhi. trilocanaśca śrīmahādeva ,acyutaśca śrīmannārāyaṇa , virañciśca vidhi., virocanaśca bhāskaraḥ, candraśca rohiṇīkānta., citrabhānuśca svāhāvallabha , te prabhṛtayo yāsā yamarākṣasapavanādīnā tāstathoktāstābhi. | punaḥ kathaṃbhūtābhirdevatābhi | sabahuvismaya bahvāścarya yathā bhavatyevaṃ udīritaparasparasvāgatābhiḥ udīritaṃ uktaṃ parasparaṃ anyonyaṃ svāgata bahumāno yābhistāstathoktāstābhi. | he nikhilāparaprāṇigaṇāvāryavīrya nikhilai. samastai. aparaprāṇigaṇaiḥ sahasramaṭa lakṣabhaṭa koṭimaṭādibhiḥ turagamahiṣādibhiśca avāryaṃ anivāraṇīyaṃ vīryaṃ śaktiryasya sa tathā tasya saṃbodhana he tathokta | he divijakuñjakuñjaravajrapātaśaurya divijakuñjāḥ kalpavṛkṣāsteṣā kuñjāni latādipihitodarāsteṣā vajrapātaḥ aśanipāta. tasya sadṛśaṃ śauryaṃ saubhaṭya yasya sa tathā tasya saṃbodhana he tathokta |