Yashastilaka 4.374.11

4.374.11

punaḥ kathaṃbhūtam | vikacavicakilātimūktamallikārāmakusumastavakatārakitalatāmaṇḍapam vicukāni vikasitāni yāni vicakilāni mallikāpuṣpāṇi mogarakakusumāni | uktaṃ ca—'mallikā | dvipadāsī vicakilasevāṇau yavanodbhavā ||' atimuktakāni suraparṇīpuṣpāṇi | uktaṃ ca—'atimuktaḥ puṇḍrakaḥ syāt vāsantī mādhavī latā | maṇḍako nidhubudhaiśva... vasantadharāśrayaḥ | kāmukaḥ bhramarotsavaḥ |' mallikā ca atīvapuṣpā tāsāmārāmro vanaṃ tasya kusumastavakāstaistārakitā latāmaṇḍapā vallīgṛhāṇi yatra tattathoktam | punaḥ kathaṃbhūtam | nirantaraniṣpandadurdinajalakalaśatalavālukālavālavirūḍhayavaprarohapāṇḍuritabhittibhāgam nirantaraniṣpandena nirvicchinnajalasrāveṇa durdinā jalabahulā ye jalakalaśāsteṣāṃ taleṣu yadvālukālavālāni dhūlīsthānakāni teṣu virūḍhāḥ prādurbhavanto ye yavaprarohāḥ śi(si)taśukāṅkarāstaiḥ pāṇḍuritā bhittīnāṃ bhāgāḥ pradeśā yasmin tattathoktam | punaḥ kathaṃbhūtam| sphuṭakuḍmalapāṭalīprasūnopahārasaurabhāsvādalubdhamadhukarārabdhavalakīvādyam sphuṭanti vikasanti yāni kuḍmalapāṭalīnāṃ vasantadūtīnā prasūnaॉni teṣāmupahāraḥ prakarastasya saurabhaṃ tasyāsvāde āghrāṇe lubdhā lobhaṃ gatā ye madhukārāstairārabdhaṃ vallakīvādyaṃ yatra tattathoktam | punaḥ kathaṃbhūtam | madotkalakokakukubhakuraravakakalahaṃsādyanekavayaḥpataṅgapakṣacāpalocchalatsrojarajaḥpuñjapiñjarajalakelidīrghikāntarālapulinaprasādhitaprāsādavedimadhyasaṃbaddhasalilatūlikam madotkalā madenotkaṭāḥ kokāśca kukubhāśca | tittirā lavā iti yāvat |