Kalpah 2.6.8.17

2.6.8.17

iti hiraṇyakeśisūtre'ṣṭamapraśne ṣaṣṭhaḥ paṭalaḥ .
8.7 athā'ṣṭamapraśne saptamaḥ paṭalaḥ .
unnīyamānebhyo'nubrūhi hotuścamasamanūnnayadhvamubhayataḥ śukrānkurudhvamacchāvākasya camasādhvaryo mā tvamunneṣṭhāḥ pratiprasthātaḥ prokṣitāprokṣitāñchakalānupakalpayonnetaḥ somaṃ prabhāvayeti saṃpreṣyati .
hotṛcamasamukhyāndaśa camasānunnayatyanyānacchāvākacamasāt .
pariplavayonnetā droṇakalaśādupastīrya pūtabhṛta unnīya droṇakalaśādabhighārayati .
sarvacamasānāmeṣa kalpaḥ.
prasthiteṣvevonnīyamāne sūkte tasminparihite sāvitreṇa grahāvādadāte .
śukramadhvaryurmanthinaṃ pratiprasthātā.
ādadate camasām̐ścamasādhvaryavaḥ .
prokṣitābhyām̐ śakalābhyām̐ śukrāmanthināvapidhatto'panuttau śaṇḍāmarkau saha tena yaṃ dviṣma ityaprokṣitābhyāmadhastātpām̐sūnapadhvam̐sayatastābhyāṃ caivopayacchataḥ.
stuto'si janadhā devāstvā śukrapāḥ praṇayantviti śukramadhvaryurharati stuto'si janadhā devāstvā manthipāḥ praṇayantviti manthinaṃ pratiprasthātā.
tāvādānāveke samāmanantyurvantarikṣamiti gacchataḥ.
āyuḥ saṃdhattaṃ taṃ me jinvataṃ prāṇam̐ saṃdhattaṃ taṃ me jinvatamapānam̐ saṃdhattaṃ taṃ me jinvataṃ vyānam̐ saṃdhattaṃ taṃ me jinvataṃ cakṣuḥ saṃdhattaṃ tanme jinvatam̐ śrotram̐ saṃdhattaṃ tanme jinvataṃ manaḥ saṃdhattaṃ tanme jinvataṃ vācam̐ saṃdhattaṃ tāṃ me jinvatamityagreṇa havirdhāne aratnī pātre vā saṃdhattaḥ .
anādhṛṣṭā'sītyaṅguṣṭhābhyāmuttaravedimākramete .
tāṃ viparihantau viparikrāmataḥ.
suvīrāḥ prajāḥ prajanayanparīhi śukraḥ śukraśociṣeti dakṣiṇenādhvaryurharati suprajāḥ prajāḥ prajanayanparīhi manthī manthiśociṣetyuttareṇa pratiprasthātā .
jinvethām̐ supathyā madhvā vītamiti yajamāno'numantrayate'greṇā''havanīyam .
abhito yūpaṃ purastātpratyañcāvavatiṣṭhete .
paścātprāñcaścamasādhvaryavaḥ .
saṃjagmānau diva ā pṛthivyāḥ śukraḥ śukraśociṣetyadhvaryu: saṃjagmānau diva ā pṛthivyā manthī manthiśociṣeti pratiprasthātā'ratnī pātre vā saṃdhattaḥ .. 17 ..