Kalpah 2.6.8.18

2.6.8.18

āyuḥ stha āyurme dhattamāyuryajñāya dhattamāyuryajñapataye dhattaṃ prāṇaḥ sthaḥ prāṇaṃ me dhattaṃ prāṇaṃ yajñāya dhattaṃ prāṇaṃ yajñapataye dhattaṃ cakṣuḥ sthaścakṣurme dhattaṃ cakṣuryajñāya dhattaṃ cakṣuryajñapataye dhattam̐ śrotram̐ sthaḥ śrotraṃ me dhattam̐ śrotraṃ yajñāya dhattam̐ śrotraṃ yajñapataye dhattaṃ tau devau śukrāmanthinau kalpayataṃ devīrviśaḥ kalpayataṃ mānuṣīriṣamūrjamasmāsu dhattaṃ prāṇānpaśuṣu prajāṃ mayi ca yajamāne cetyabhimantrayete .
prokṣitau śakalāvabhyādhattaḥ śukrasyādhiṣṭhānamasi śukraiṣā te samittayā samidhyasvetyadhvaryurmandhino'dhiṣṭhānamasi manthinneṣā te samittayā samidhyasveti pratiprasthātā.
nirastaḥ śaṇḍo nirasto marko'panuttau śaṇḍāmarkau saha tena yaṃ dviṣma ityaprokṣitau bahirvedi nirasyato'pa upaspṛśya .
prātaḥ prātaḥsāvasya śukravato manthivato madhuścuta indrāya somānprasthitānpreṣya madhyata:kāriṇāṃ camasādhvaryavo vaṣaṭkṛtānuvaṣaṭkṛtāñjuhuta hotrakāṇāṃ camasādhvaryavaḥ sakṛtsakṛddhutvā śukrasyābhyunīyopāvartadhvamiti saṃpreṣyati.
vaṣaṭkṛte sarve yugapajjuhvati .
sa prathamaḥ saṃkṛtirviśvakarmā sa prathamo mitro varuṇo agniḥ. sa prathamo bṛhaspatiścikitvām̐stasmā indrāya sutamājuhomi svāhetyadhvaryustasmai
mitrāya sutamājuhomi svāheti pratiprasthātā .
sānuvaṣaṭkārāveke samāmanantyananuvaṣaṭkārāveke'nyataram̐ sānuvaṣaṭkārameke .
uttarataḥpurastādbahiṣparidhyāhavanīyādaṅgāraṃ nirvartyaiṣa te rudra bhāga iti tasminnetaṃ manthinaḥ saṃsrāvaṃ pratiprasthātā sarvahutaṃ juhoti .
madhyataḥkāriṇāṃ camasādhvaryavo'nuvaṣaṭkṛte juhvati.
praitu hotuścamasaḥ pra brahmaṇaḥ prodgātuḥ pra yajamānasya pra sadasyasyeti saṃpreṣyati .
sado bhakṣānharanti.
sūdavacchukrapātram̐ sādayati .
hotrakāṇāṃ camasādhvaryavaḥ sakṛtsakṛddhutvā śukrasyābhyunīyopāvartante .
tairadhvaryuḥ pracarati .
maitrāvaruṇacamasamādāya praśāstaryajeti saṃpreṣyati vaṣaṭkṛtānuvaṣaṭkṛte hutvā camasādhvaryave prayacchati sado bhakṣam̐ harati .
evamuttaraiḥ pracarati .. 18 ..