Kalpah 2.6.9.8

2.6.9.8

tṛmpantām̐ hotrā madhorghṛtasyeti hutānanumantrayate .
yathācamasaṃ camasino bhakṣayanti teṣāṃ vyākhyāto bhakṣamantraḥ.
sanneṣu nārāśam̐seṣu svam̐ svaṃ camasaṃ ...nyante trīm̐strīnpuroḍāśaśakalāndakṣiṇata upāsyanti . tatkṛtvā prācīnāvītāni kṛtvā ṣaḍḍhotāraṃ vyākhyāya dānaprabhṛtīnpratyāyanāntānpiṇḍapitṛyajñamantrāñjapanti.
tasminkṛte vāmamadya savitarityeteṣāmekenāntaryāmapātreṇa sāvitramāgrayaṇādgṛhṇāti ..
na sādayatyupaniṣkrampa devāya savitre'nubrūhi devāya savitre preṣyeti saṃpreṣyati.
hutvā nānuvaṣaṭkaroti na bhakṣayati sūdavatpātram̐ sādayati.
upayāmagṛhīto'si suśarmā'si supratiṣṭhāna ityetenaiva
pātreṇābhakṣitena vaiśvadevaṃ kalaśācchastravantaṃ gṛhṇāti .
ekayā ca daśabhiśca svabhūta ityetasyām̐ śasyamānāyāṃ prātaryujau vimucyethāmiti pratiprasthātā dvidevatyapātrāṇi vimucyāparayā dvārā nirhṛtya mārjālīye prakṣālya pūrvayā dvārā prapādyā''yataneṣu sādayati .
pra dyāvā yajñaiḥ pṛthivī ṛtāvṛdhetyetasyām̐ śasyamānāyāmanyataratomodaṃ pratigṛṇāni modāmoda ibothāmoda iti .
viparītameke samāmananti .
ukthaṃ vācīndrāyeti śastraṃ pratigīrya sarvatra tṛtīyasabane japati.
śastraṃ pratigīrya grahamādatte camasām̐ścamasādhvaryavaḥ.
tena pracarati yathā prātaḥsavane vaiśvadevena ..8..