Kalpah 2.6.9.3

2.6.9.3

iti hiraṇyakaśisūtre navamapraśne prathamaḥ paṭalaḥ .
9.2 atha navamapraśne dvitīyaḥ paṭalaḥ .
puroḍāśānāsādya taiḥ samavadāya pracarati mādhyadinasya savanasyeti saṃpreṣyati .
paśupuroḍāśena pracarya samavadāya savanīyaiḥ pracarati .
paśupuroḍāśasya savanīyānāṃ ca samānam̐ sviṣṭakṛdiḍam .
ādhavanīyaṃ pūtabhṛtyavanīya daśābhiḥ kalaśaṃ mṛṣṭvā nyubjati .
unnīyamānebhyo'nubrūhi hotuścamasamanūnnayadhvamubhayataḥ śukrānkurudhvamacchāvākasya camasādhvaryo'pi tvamunnayasva pratiprasthātaḥ prokṣitāprokṣitāñchakalānupakalpayonnetaḥ somaṃ prabhāvayeti saṃpreṣyati .
hotṛcamasamukhyānekādaśa camasānunnayati purastādāgnīdhracamasādacchāvākacamasamunnayati .. mādhyaṃdinasya savanasya niṣkevalyasya bhāgasya śukravato manthivato madhuścuta indrāya somānprasthitānpreṣya madhyataḥ. kāriṇāṃ camasādhvaryavo vaṣaṭkṛtānuvaṣaṭkṛtāñjuhuta hotrakāṇāṃ camasādhvaryavaḥ sakṛtsakṛddhutvā śukrasyābhyunīyopāvartadhvamiti saṃpreṣyati yatprākpunarabhyunnītebhyastasminkṛte prasarpaṇamantrairhotrakāḥ prasṛpya punarabhyunnītānāṃ yajanti . ayāḍagnīditi hoturākhyāya niravadāya hotra iḍāmādadhātyupahūyamānāmupodyacchante camasām̐ścamasādhvaryavaḥ .
neḍāśakalamacchāvākāya nidadhāti .
sanneṣu nārāśam̐seṣu dakṣiṇena vedimavasthitāsu dakṣiṇāsu dākṣiṇāni juhoti yathā vaisarjanāni .
pracchādanārthasya vāsaso daśāyām̐ hiraṇyaṃ baddhvāssjye'vadhāya srugdaṇḍe vāsaso'ntamupaniyamyodu tyaṃ citramiti dvābhyām̐ śālāmukhīye juhoti śeṣamājyasya karoti .
nīyamānāsu pūrvaḥ pratipadyāgne nayeti nayavatyarcā''gnīdhre juhoti ..
śeṣamājyasya karoti .
divaṃ gaccha suvaḥ pateti hiraṇyam̐ hutvodgṛhṇāti.
vaneṣu vyantarikṣaṃ tatāneti dvitīyāṃ yadyano rathodhīvāso vā dīyate .
prajāpate na tvadetānīti tṛtīyāṃ yadyaśvaḥ puruṣo hastī vā dīyate .
nītāsu dakṣiṇāsu yajñapatimṛṣaya enasā''huriti .. 3 ..