Kalpah 2.6.9.4

2.6.9.4

pañcabhirāgnīdhrīye vaiśvakarmaṇāni juhoti .
yathāgṛhītaṃ marutvatīyāvādāyendrāya marutva te'nubrūhīndrāya marutvate preṣyeti saṃpreṣyati .
hutvā vyavanayete.
yathartugraheṣu pratiprasthānena bhakṣayanti .
dvirhotā sakṛtsakṛditarau .
mārjālīye pātraṃ prakṣālya hotuḥ sakāśe nidadhāti .
janiṣṭhā ugraḥ sahase turāya mandra ojiṣṭho bahulābhimānaḥ . avardhannindraṃ marutaścidatra mātā yadvīraṃ dadhanaddhaniṣṭhā . indra marutva iha pāhītyanyatareṇa svena pātreṇābhakṣitena tṛtīyaṃ marutvatīyaṃ kalaśācchastravantaṃ gṛhṇāti .
ṛtupātramārabhya pratigṛṇāti . .
ukthaṃ vācīti śastraṃ pratigīrya sarvatra mādhyaṃdine savane japati .
śastraṃ pratigīrya grahamādatte camasām̐ścamasādhvaryava ukthaśā yaja somasyeti saṃpreṣyati . vyākhyātamanuprakampanaṃ grahanārāśam̐sānāṃ bhakṣa āpyāyanasādane ca nārāśam̐sānām .
mahām̐ indro ya ojasā mahām̐ indro nṛvadityanyatareṇa śukrapātreṇa māhendraṃ kalaśātstutaśastravantaṃ gṛhṇāti .
tam̐ sādayitvā stotramupākaroti tadvyākhyātamapavṛtte stotre śastramupākaroti tadvyākhyātam .
śastraṃ pratigīrya grahamādatte camasām̐ścamasādhvaryavaḥ .
atigrāhyānitare'dhvaryava āgneyaṃ pratiprasthātaindraṃ neṣṭā sauryamunnetā.
ukthaśā yaja somasyati saṃpreṣyatyagne tejasvintejasvītyetairyathārūpamatigrāhyāñjuhoti .
mayi medhāṃ mayi prajāmityetairyathārūpamatigrāhyānbhakṣayanti .
sarvabhakṣā nā''pyāyanasādane bhavataḥ.
tribhirukthyavigrahaiḥ pracarato yathā purastāt .
indrāya tveti sarvatra grahaṇasādanau saṃnamataḥ .
viśve devā maruta indro asmāniti sam̐sthite juhoti .
praśāstaḥ prasuveti saṃpreṣyati sarpatetyāha
praśāstā saṃtiṣṭhate mādhyaṃdinam̐ savanam..4..