Kalpah 2.6.9.5

2.6.9.5

iti hiraṇyakeśisūtre navamapraśne dvitīyaḥ paṭalaḥ.
9.3atha navamapraśne tṛtīyaḥ paṭalaḥ .
ādityārambhaṇaṃ tṛtīyasavanaṃ tāyate .
tasya mādhyaṃdinena savanena kalpo vyākhyātaḥ.
apidhāya havirdhānasya dvāre yadā bahavo'ntarvedi.
yadā vā'sya bhrātṛvyaḥ.
antarvedi yajamānaḥ patnī ca bhavato'thā''dityaṃ gṛhṇāti .
yasya bhrātṛvyaḥ somena yajeta yāvadādityaṃ gṛhṇīyāttāvadbahirvedi tiṣṭhet .
kadācana starīrasīti ya ādityasthālyām̐ somastasyaikadeśamādityapātreṇa gṛhṇāti .
kadācana prayucchasīti śṛtātaṅkyaṃ dadhi .
yajño devānāṃ pratyetīti ya ādityasthālyām̐ somastam̐ sarvaṃ gṛhṇāti .
vivasva ādityetyupām̐śusavanenā''dityaṃ melayati .
yā divyā vṛṣṭistayā tvā śrīṇāmītyādityaṃ payasā dadhnā vopariṣṭādvṛṣṭikāmasya śrīṇīyāt .
na madhyato dadhi gṛhṇātītyekeṣām .
tasminnupām̐śusavanaṃ grāvāṇamavadadhāti .
tamudyamya vijñānamupaiti .
yadyuddrutasya kṣipram̐ stokaḥ praskandedvarṣukaḥ parjanyaḥ syādyadi ciramavarṣukaḥ .
na sādayati .
āsamudrādāntarikṣāditi darbhairācyāvayati .
ahaṃ parastādahamavastāditi darbhairhastena vā'pidadhāti ..
sūryo mā devo devebhyaḥ pātvityuttiṣṭhati .
kaviryajñasya vitanoti panyāmiti harati .
ādityebhyaḥ priyebhyaḥ priyadhāmabhyaḥ piyavratebhyo mahasva sarasvapatibhya urorantarikṣasyādhyakṣebhyo'nubrūhyādityebhyaḥ priyebhyaḥ piyadhāmabhya: priyavratebhyo mahasva sarasvapatibhya urorantarikṣasyādhyakṣebhyaḥ preṣyati saṃpreṣyati .. 5 ..