Kalpah 2.6.9.7

2.6.9.7

jāgataḥ panthā ādityā devatā vṛkeṇāparipareṇa
pathā svastyādityānaśīyeti mantram̐ saṃnamati .
yadanyaddhiṣṇiyaviharaṇāttatsaṃpreṣyati pratiprasthātaḥ paśau saṃvadasveti saṃpreṣasyāntam̐ saṃnamati .
avihṛteṣvavyāghāriteṣu dhiṣṇiyeṣu stīrṇe barhiṣi pratiprasthātā savanīyānnirvapati .
dvādaśakapālo'tra puroḍāśaḥ .
na paśupuroḍāśo vidyate .
aṣṭākapālānsarvatra savanīyāneke samāmanantyekādaśakapālāneke dvādaśakapālāneke .
alaṃkṛteṣu pratiprasthātā saṃvādaprabhṛtinā paśutantreṇa pratipadyate .
tasya dakṣiṇena havirdhānamuttareṇa vā samavattaṃ pariharati .
na yajamāno bhakṣānbhakṣayati bhakṣaṇameke samāmananti .
puroḍāśānāsādya taiḥ samavadāya pracarati tṛtīyasya savanasyeti saṃpreṣyati .
ādhavanīyaṃ pūtabhṛtyavanīya daśābhiḥ kalaśaṃ mṛṣṭvā nyubjatyunnīyamānebhyo'nubrūhi hotuścamasamanūnnayadhvaṃ ... tīvrām̐ āśīrvataḥ kurudhvamacchāvākasya camasādhvaryo'pitvamunnayasvonnetaḥ somaṃ prabhāvayeti saṃpreṣyati.
hotṛcamasamukhyānekādaśa camasānunnayati .
pracaraṇakāle prasthitaireva pracarati .
tṛtīyasya savanasyarbhumato vibhumataḥ prabhumato vājavataḥ savitṛvato bṛhaspativato viśvadevyāvatastīvrām̐ āśīrvata indrāya somānprasthitānpreṣya madhyata:kāriṇāṃ camasādhvaryavo vaṣaṭkṛtānuvaṣaṭkṛtāñjuhuta hotrakāṇāṃ camasādhvaryavaḥ sakṛtsakṛddhutvā tīvrasyā''śīrvato'bhyunnīyopāvartadhvamiti saṃpreṣyati .
śyenāya patvane svāheti .. 7.. etaiḥ punarabhyunnītāñjuhoti vaṭsvayamabhigūrtāya nama ityanuvaṣaṭkārān .