Biha Kappa v1.p94

v1.p94

paḍhamo uddeso puvvaṃ tu hoi kahao, pacchā dhammo u ukkamo kinnu | teṇa vi puvvaṃ dhammo, suo u tamhā kamo eso' ||1138|| jaidhammaṃ akahettā, aṇu duvidhaṃ samma maṃsaviraī ca |
aṇuvāsae kahiṃte, caujamalā kālagā cauro ||1139||
["puvvaṃ tu0"] "jaidhammaṃ akahettā0" gāhā | jo micchaddiṭṭhī paḍhamaṃ uvaṭṭhāi, tassa jaidhammaṃ akahittā aṇudhammaṃ kahei to caugurukā | dohe vi gurukā | jayā jaidhammaṃ na tarai ghettuṃ tayā jai sāvagadhammaṃ akahettā sammattaṃ kahei caugurukā | tavaguru kālalahū | jayā sāvagadhamma ṇa tarai ghettuṃ tayā jai sammattaṃ akahettā majjamaṃsaviraī kahei caugurukā | tavalahu kālagurū | majjamaṃsaviraī akahettā phalavidhiṃ kahei caugurukā | dohiṃ vi lahuyā | āṇāiyā dosā |
jīvā abbhuṭuiṃtā, avihīkahaṇāi raṃjiyā saṃtā |
abhisaṃchūḍhā hotī, saṃsāramahannavaṃ teṇaṃ ||1140||
"jīvā abbhuṭuiṃtā0' gāhā | te jīvā pavvajjāe abbhuḍheukāmā te jāṇaṃti | jai sāvagadhammeṇa vi sugaī bhavati kāmabhoge bhuṃjaṃtāṇaṃ, kiṃ teṇa duccareṇaṃ pavvajjādhammeṇaṃ? evaṃ sesā vi payā buddhīe vibhāsiyavvā | tāhe saṃsārasāgare chūḍhā bhavaṃti | cireṇa mokkhaṃ pāvihiṃti | kiṃ ca -
eseva nūṇa kamo, veraggagao na royae taṃ ca |
duhato ya niraṇukaṃpā, suṇipayasataracchaaṭuvamā ||1141||
"eseva ṇaṇa0" gāhā | te jāṇaṃti naṇaṃ eseva kamo | jaṃ pavvaṃ sāvayadhammaṃ phāsettā pacchā pavvaijjai | ahavā paḍhamaṃ majjamaṃsaviraiṃ phāsettā tao pacchā sāvagadhammo gheppai | "veraggagao na royae taṃ ca" tti | so ṇivinnao gharāvāsassa veraggapatto pavvaīukāmo tāhe so kahao sāvagadhammaṃ paṇṇaveumāraddho, tāhe saṃ te3 na royai | tāhe vippariṇamittā taccaṇiyāīṇaṃ gacchejjā | “duhao vi niraṇukaṃpa" tti kāesu ya tammi ya | tammi ya diṭuṃto vīrasuṇiyā| sā vīrasuṇiyā alikkamalikkehiṃ niratthakīkayā, pacchā eyaṃ pi necchati | ciṃtei-alikkayaṃ eyaṃ, taraccho carakkhū, so puvvaṃ ujjhassa dhāo, tāhe so maṃsaṃ ṇa paḍibhāi | evaṃ tassa aṇudhammābhimuhassa pacchā jatidhammo ṇa paḍibhāi | ete dosā | ime guṇā vihikahaṇe -
1. neyaṃ gāthāviśeṣacūrṇikṛtādṛtā | 2. eseva ya muca | 3. te saṃ iti bhāvyam ?